პროექტის მიზანი იყო გაგვეგო მეტი ორნამენტზე და სხვადასხვა ხუროთმოძღვრულ ძეგლებზე არამარტო საქართველოში, არამედ მსოფლიოს სხვადასხვა კუთხეში. გამოგვეკვლია პარკეტის შედგენისას გეომეტრიული გარდაქმნების გამოყენება და გაგვეანალიზებინა მათემატიკის მნიშვნელობა ხელოვნებაში.
ორნამენტი არის თარგი, რომელიც დამყარებულია მისი შემადგენელი ელემენტების გამეორებასა და მონაცვლეობაზე. განკუთვნილია სხვადასხვა არქიტექტურული ნაგებობებისთვისა და პლასტიკური ხელოვნების ნიმუშების დეკორირებისთვის.
ორნამენტებში აქტიურად იყენებენ ცენტრულ სიმეტრიას. ეს გულისხმობს ერთი ცენტრის გარშემო ფიგურათა სიმეტრიას. ასევე, ფართოდ გამოიყენება ღერძული სიმეტრია. ეს უკანასკნელი იმით განსხვავდება ცენტრული სიმეტრიისგან, რომ აქ ერთი კონკრეტული მონაკვეთის, ღერძის გასწვრივ თანაბრად აღებული წერტილები გვხვდება.
ცენტრული სიმეტრია
ღერძული სიმეტრია
როგორც ზემოთ იყო აღნიშნული, ორნამენტები მრავლადაა ხუროთმოძღვრების ძეგლებში. ქვემოთ თქვენ იხილავთ რამდენიმე მაგალითს.
ჯვრის მონასტერი
წრომის ტაძარი
ოშკი
ნიკორწმინდა
მარტვილის ტაძარი
კიდევ ერთი კარგი მაგალითი იმისა, თუ რა კავშირშია მათემატიკა და ხელოვნება ერთმანეთთან არის ოქროს კვეთა. ოქროს კვეთა არის მთელის გაყოფა ორ,ერთმანეთის არატოლ ნაწილად, როდესაც დიდი ნაწილი ისე შეეფარდებამთელს, როგორც მცირე ნაწილი დიდს. გეომეტრიაში ოქროს კვეთას საშუალოდა კიდურა შეფარდებით გაყოფასაც უწოდებენ. a:b=b:c ან c:b=b:a, ოქროსკვეთის გაცნობას იწყებენ მონაკვეთის ოქროს პროპორციით გაყოფით, ფარგლისდა სახაზავის გამოყენებით.
ოქროს კვეთა
ოქროს კვეთით არის აგებული პარიზის ღვთისმშობლის ტაძარი, რომელიც ცოტა ხნის წინ იწვოდა. გარდა ამისა, ტაჯ-მაჰალი და სვეტიცხოველიც ამ ხერხით ააგეს.
ტაჯ-მაჰალის ფრონტონი აგებულია ,,ოქროს" მართკუთხედებით, სვეტიცხოვლის საძირკველსაც იგივე ფორმა აქვს.
ძველი ეგვიპტელები იყვნენ პირველები, რომლებმაც მათემატიკა გამოიყენეს ხელოვნებაში. ისინი მონაკვეთების შეფარდებებში მაგიურსა და ზებუნებრივს ეძიებდნენ და იყენებდნენ მას პირამიდების აგების დროს.
ორნამენტებს იყენებენ პარკეტის გასალამაზებლადაც.
გარდა ამისა, პარალელური გადატანა არის ერთ-ერთი უმნიშვნელოვანესი ხერხი ორნამენტების და სხვადასხვა ხუროთმოძღვრული ძეგლების აშენებისას.
ეს გახლდათ პროექტი მათემატიკისა და ხელოვნების უშუალო კავშირის შესახებ. ამ ადამიანებმა დაამტკიცეს ის, რომ ხელოვნება მათემატიკის გარეშე არ არსებობს.
No comments:
Post a Comment